Day 4 - 天橋立

今次一個人旅行, 選了好幾個遠啲既地方, 其中之一就係 天橋立.

由京都去 天橋立, 其實都幾遠.  因為我要用 JR KANSAI WIDE AREA PASS, 佢只包去到 福知山, 唔包去到 天橋立.  雖然有直接 JR 到 天橋立, 但想慳錢就唯有轉車囉.

我選了由 西舞鶴 轉車, JR KANSAI WIDE AREA PASS 包括由 京都 去 綾部, 再轉去 西舞鶴 的車程, 就這一程已經要 2630 YEN, 用 PASS 慳好多啊.

去到 西舞鶴, 就買 天橋立まるごとフリーパス (3090 YEN) , 這個 PASS 包 京都丹後鉄道, 傘松公園纜車, 観光船 等等的, 詳情看下面連結.  若果會過去 傘松公園 的, 買這個 PASS 就抵啦.

http://trains.willer.co.jp/ticket/types/planning/index.html#travel

一出 天橋立 駅, 又落雨!!!!! 天橋立 駅 這邊有 智恩寺, 知恵の輪灯籠, 迴旋橋, 手信店等

智恩寺

知恵の輪灯籠

那天星期二, 天穚立冇乜人, 有幾個日本人在釣魚 (相中左邊那個是人啊)

開始行沙洲, 全都是松樹.  冇乜人, 吹著風, 好彩唔大雨, 好舒服

好有多不同形態的松樹, 這個是打風打歪了嗎?!

磯清水, 試了一口........ 就是涼涼的水囉

行了一少段路, 走回頭食午餐.  去了 はしだて茶屋 食 蜆肉飯.  滿滿一碗, 每一口飯起碼要配 4-5隻蜆, 否則一定食剩蜆肉, 好誇張.  又係好滿足的一餐.

原本計劃行完整條沙洲去對面的 傘松公園 的, 但因為落雨, 地下有泥濘, 又擔心行到半路落大雨, 咁唯有坐 観光船 過去.

海鷗等喂蝦條, 但開船唔夠 5 分鐘就落大雨, 所有人即閃人避雨

元伊勢籠神社

傘松公園

雨一直時細時大咁, 根本冇辦法胯下睇天橋立, 但都見得到整條沙洲, 已經好好了.

回去當然又係坐 観光船 啦. 今次買了蝦條喂海鷗, 同船還有其他人一齊喂, 十幾廿隻海鷗追住隻船飛, 好壯觀.  我掛住喂, 冇影相.  有機會去的朋友, 記得買蝦條 (入閘前及船內有得賣, 100 YEN/包), 真係好好玩.

回程經 福知山 返京都, 都係用 天橋立まるごとフリーパス & JR KANSAI WIDE AREA PASS.

好多都係得單卡, 仲要好懷舊

一路返去既車站都係咁荒蕪, 路軌上甚至都長滿草, 差啲連路軌都睇唔到, 所以唔開得快

返到京都只係5點幾, 喺 京都駅 食 PASTA MORE, 一貫日式意粉既味道.

一日一雪糕係常識吧, 哈哈

當晚要落大阪, 所以食完個 Early Dinner 就攞行李走囉.  因為 JR KANSAI WIDE AREA PASS 唔包 京都 - 大阪 既新幹線, 記得唔好入錯閘, 上錯車啊, 否則要補票!

食完先記得冇影相, 唯有影 MENU 補數

大阪住 なんば 東橫 INN, 由 なんば 駅行去, 沿路上有一風堂, 放低行李去食飯!  (不是已經食了嗎?!!!)

去酒店途中, 落大雨, 行行下, 發現個喼個轆爛咗, 啊!!!!!!!!! 落大雨, 黑麻麻, 一個人, 又要搵路, 又要拉個爛喼!!!!! 超想爆粗 (其實應該爆了!!!)  仲要出返去買喼, 好彩上年嚟過, 知道激安殿堂開 24 小時, 食埋一風堂慢慢過去都仲得.

但我低估了......激安殿堂超恐怖, 夜晚10點都仍然超多人, 行都行唔到.  若果唔係要買喼, 我真係唔會入去!

P.S. 買喼既時候, 打俾包包問意見.  第一次用富士卡 whatsapp 打電話, 勁順暢清晰, 真係抵用.

下一頁: Day 5 - 姬路城 & 元町商店街 & 神戸港
上一頁: Day 3 - 滋賀 近江八幡 & 彦根城