Day 7 - 熊野那智大社 & 串本海中公園

今日係整個行程中, 我最期待既一日.  因為實在太想去, 其他既行程都係為咗今日而調整.

今日既早餐係全個行程最豐富, 因為係酒店包埋!

實在太多, 我只食咗麵包&沙拉, 戰鬥力好低

食飽飽, 係時候出發!  行返去 JR 附近, 就會見到有巴士去那智山, 來回票 1000 YEN.  那智山 站落車, 行入去就會見到參道入口, 加一條長樓梯......咁就開始我既上上落落之日.

起步係一條直長樓梯, 但未完架, 仲要轉彎又係樓梯!!

樓梯中途

行咗一大段樓梯, 終於見到第一個熊野那智大社鳥居, 但不要太開心, 樓梯係未完架!!!

好好太陽啊

又一段樓梯, 又一個鳥居.  終於到啦啦啦

800 年大樹

以本人既身形, 絕對入唔到又出唔到, 當然唔會俾 300 YEN 去丟臉啦, 呵呵呵

那智山青岸渡寺

從大社看過去, 已經見到那智の滝啦, 遠望已經好壯觀.

行去瀑布, 會見經過三重塔.  上去塔頂望回大社及瀑布, 又係另一種感覺.

上完三重塔, 就要開始落山過去瀑布啦.  又係好長既樓梯......

前面仲有樓梯, 係落既, 即係等陣出嚟又要上樓梯

俾 300 YEN, 就可以近距離睇瀑布, 仲有好多水飛過嚟添

真係天公造美, 好天氣配靚瀑布

上上落落, 我相信行咗過千級樓梯, 以我平時零運動嚟講, 簡直係壯舉.  不過見到咁靚既熊野那智大社 + 那智の滝, 真係斷氣都值.

行咗成朝, 當然要補充體力啦, 那智名物, 黑糖雪糕, 好好味.

好多人都會行大門坂落一段山先搭巴士, 但食完雪糕, 買完手信, 咁啱見到巴士開車, 當然飛奔上車.  並唔係因為我行得好累啦.

返去 JR 紀伊勝浦站, 跟住就坐 紀勢本線 去 串本站. JR 班次好疏, 要 CHECK 清楚時間, 否則要等一至兩個鐘先有下班車.

沿途風光明媚, 望住個海, 真係身心舒暢.

目的地係 串本海中公園, 但我竟然唔記得影門口!!!!!!  但記得手機先食午餐, 哈哈哈.

串本海中公園有海龜館, 好多海龜, 海龜, 海龜.

海中展望塔, 行落海中睇魚. 不過前幾日落雨, 啲水好混濁, 只睇到少少珊瑚 & 魚.

塔頂有人喂魚, 吸引咗好多魚

海中觀光船“Stella Maris”, 船底係玻璃, 又係可以睇珊瑚 & 魚.

離開前又影多幾張相, 個海真係好靚.

等 JR 返大阪, 食支 SHERBET 先

 串本駅係本州最南端既 JR 站.

是日晚餐, 超好味 利久牛舌.

又雪糕, 今日食咗三次!!!

旅行食宵夜是常識吧

上一頁: Day 6 - 三ノ宮生田神社 & 紀伊勝浦駅
下一頁: Day 8 - 奈良公園